今個夏天，帶住冒險精神走入日本山海之間，展開一場貼地又有溫度嘅體驗！無論你想翻山越嶺去長野深山過幾日有機共住生活、喺島根同小朋友跳Bon Odori做文化交流，定係走入白神山地守護森林、喺和歌山梅園延續百年農業智慧，總有一個地方等緊你嘅付出！
由山林保育、鄉村教育到永續農耕，每一個工作營都唔只係旅行，而係真正走入社區，同土地建立關係。當你願意流汗、放慢、聆聽，日本會用另一種方式回應你。
揀你嘅心水項目，一齊為今個夏天寫下一段值得回味嘅故事啦！🇯🇵🌿
精選項目一：日本｜深山有機共住
工作營正式英文名稱： Maki 4
想體驗真正「行山行到去做嘢」嘅生活？呢個日本長野家庭工作營，要行1.5小時山路先到達，真係未開始已經熱身！參加者會一齊打理有機農田、照顧山羊同雞、修復古宅同山徑，仲會同當地共生社群一齊煮飯生活。呢度冇車聲，只有蟲鳴鳥叫，過幾日「無網」生活，可能你會發現原來自己都可以好organic！想同家人一齊種出回憶？即刻報名啦！
參與此工作營的所需費用：HK$980(籌備及支援費) + $4,900(外遊服務費) + JPY 9000(營費)
工作營可選日期及編號：
- 2026年06月01日-2026年06月13日(Maki 3) 立即報名
- 2026年08月24日-2026年08月29日(Maki 4) 立即報名
- 2026年09月14日-2026年09月19日(Maki 5) 立即報名
- 2026年10月19日-2026年10月31日(Maki 6) 立即報名
精選項目二：日本｜鄉村文化童樂
工作營正式英文名稱： Hirata
走入島根縣平田小鎮，為鄉郊小朋友打開一扇通往世界嘅窗！呢個營會由參加者為小學生設計互動遊戲同文化課堂，分享自己國家嘅語言與故事，仲會一齊練習擁有七百年歷史嘅盆舞Bon Odori，將傳統舞步傳承落去。加上海邊清潔同探訪幼兒園，教育與環保同行。用笑聲連結世界，用舞步感受日本，一齊為社區注入新活力啦！
參與此工作營的所需費用：HK$980(籌備及支援費) + $4,900(外遊服務費) + JPY 9,000(營費)
工作營可選日期及編號：
- 2026年8月13日-2026年8月18日 (NICE-26V-0813A) 立即報名
精選項目三：日本｜白神山林守護
工作營正式英文名稱： Shirakami
走入青森白神山地，喺世界自然遺產級嘅山林中，為山毛櫸森林出一分力！呢個營會同當地保育團體合作，參加者會喺鰺澤同平內兩地進行植樹、移除枯苗、搭建溫室、搬運幼苗同劈柴等工作，用雙手守護森林同海灣生態。住喺學校宿舍、輪流煮食，晨早散步、浸溫泉，感受北國春日同櫻花氣息。為氣候行動踏出一步，與自然並肩作戰，一齊熱血上山啦！
參與此工作營的所需費用：HK$980(籌備及支援費) + $4,900(外遊服務費) + JPY 18,000(營費)
工作營可選日期及編號：
（了解更多當地機構提供的詳情）
精選項目四：日本｜梅香農耕傳承
工作營正式英文名稱： Tanabe
走入和歌山田邊市，參與守護四百年歷史嘅梅子農業系統！呢個營會同當地推廣團體合作，參加者會幫手撿拾落網熟梅、手摘收成、分類處理，仲會到學校做文化交流，分享彼此故事。喺被認證為世界農業遺產嘅山坡果園中，了解炭燒林同梅園共存嘅智慧，親手製作梅汁，感受土地嘅酸甜滋味。用汗水延續傳統，一齊為農村注入新力量啦！
參與此工作營的所需費用：HK$980(籌備及支援費) + $4,900(外遊服務費) + JPY 18,000(營費)
工作營可選日期及編號：
- 2026年6月13日-2026年6月23日 (NICE-26S-0613A) 立即報名
（了解更多當地機構提供的詳情）
參與國際工作營所需費用：
1) 義遊「籌備及支援費」：HK$ 980 （支付予義遊，主要用於支持義遊在申請者出發前、項目期間及完成後所提供之整體籌備及支援工作）
2) 旅行社「外遊服務費」：第1區 $4,900 / 第2區 $2,940（支付予指定旅行社，用於處理與國際工作營相關之外遊部分安排。為鼓勵申請者前往不同地區參與社區項目，「外遊服務費」按目的地分為兩個不同區域及金額）
3) 當地機構營費：確實金額可留意個別工作營的英文頁面（一般連同外遊服務費支付予指定旅行社，用於工作營期間之住宿、膳食及支援當地社區項目運作）
4) 其他開支：除上述費用外， 申請者須自行承擔其他與旅程有關之開支，包括但不限於：機票費用、前往當地集合地點及工作營解散後之交通費、涵蓋由香港出發直至返回香港之旅遊及醫療保險、工作營行程以外之私人活動費用、簽證費用、自由時間之膳食及交通、個人消費開支、疫苗接種費用（如適用）等。